Գիրք «Մարդիկ և Մեքենաները»

Գիրք՝ Newmag-ի հրատարակության: Կազմը՝ կոշտ, 130 էջ:
1940-ականների վերջերին ԽՍՀՄ ղեկավարությունը կազմակերպեց հայերի զանգվածային հայրենադարձությունը, որը հիմնովին փոխեց Խորհրդային Հայաստանի մշակույթը։ Տասնյակ հազարավոր մարդիկ, ովքեր վերապրելով 1915 թվականի ցեղասպանությունը, հայտնվել էին տարբեր երկրներում, վերադարձել էին Անդրկովկաս՝ նոր կյանք կառուցելու։ Ներգաղթյալներին աջակցելու ծրագիրն արագ կրճատվեց, նրանք ստիպված էին գոյատևել ծայրահեղ ծանր պայմաններում։ Եվ այնուհանդերձ, հայրենադարձության ալիքը ուժ տվեց մի հասարակությանը, որը դաժանորեն տուժել էր պատերազմից և բռնաճնշումներից: Մարդիկ, նրանց հարգալից վերաբերմունքը աշխատանքի և կրթության նկատմամբ դարձել էին Հայաստանի հիմնական ռեսուրսը։ Հանրապետության ղեկավարները Մոսկվային համոզել էին խաղադրույք կատարել նորագույն արդյունաբերության՝ էլեկտրոնային բաղադրիչների արտադրության վրա, իսկ տեղական հետազոտական ​​կենտրոնները սկսել էին սեփական համակարգիչների նախագծերը։ Այս գիրքը պատմում է Հայաստանում ստեղծված համակարգիչների, դրանց մշակողների, 1950-1980-ական թվականների Երևանի մշակութային և առօրյա կյանքի մասին։
Ալեքսեյ Պոմիգալովը պատմական գիտությունների թեկնածու է։ Աշխատել է «Էրմիտաժ» և «Ֆաբերժե» թանգարաններում։ 2019-ից համակարգում է DataArt նախագիծը, կատարում հետազոտություններ, հավաքում նյութեր, վարում հարցազրույցներ, լրացնում նմուշները, ցուցադրությունները և հրապարակումները։ Ալեքսանդր Անդրեևն արևելագետ է, նախկին լրագրող, ռադիոհաղորդավար, վավերագրական ֆիլմերի պրոդյուսեր։ 2016-ից DataArt-ի ինժեներներին ու մենեջերներին օգնում է պատմել իրենց մասնագիտական փորձի մասին։ 2019-ին միացել է DataArt-ի թանգարանային նախագծի թիմին։ Իլյա Կորոբովը գրաֆիկ դիզայներ է։ 15 տարի գործակցել է «Էրմիտաժի», «Կոմերսանտի», «Դիմա Բարբանելի արվեստանոցի», բնության թեմաներով վավերագրական ֆիլմերի Lesfilm ստուդիայի, «Զենիթ» ֆուտբոլային ակումբի հետ։ 2019-ից զբաղվում է DataArt–ի IT թանգարանի առցանց ու արտացանց ցուցադրությունների գրաֆիկական ձևավորմամբ։