Զանգերի կենտրոն
Պատվեր զանգով
+(37410) 53 88 88
+(37411) 53 88 88
Զանգերի կենտրոն
  •  դր
  • Գտնել
Նախընտրածներ 0

Հաճախակի տրվող հարցեր

Ի՞նչ է online սուպերմարկետը

Ի՞նչ առավելություններ ունի էլեկտրոնային առևտուրը

Կարո՞ղ եմ արդյոք շարունակել ապրանքները պատվիրել հեռախոսով

Եթե չեմ ցանկանում կամ չեմ կարող վճարել ինտերնետով, կարո՞ղ եմ արդյոք վճարումն իրականացնել պատվերը ստանալու պահին

Ինչպե՞ս կարող եմ գտնել իմ նախընտրած ապրանքը

Ինչպե՞ս կարող եմ հավաքել ապրանքներն իմ զամբյուղում

Կարո՞ղ եմ արդյոք ստեղծել իմ հավանած ապրանքների ցուցակ` առանց դրանք զամբյուղին ավելացնելու

Կարո՞ղ եմ արդյոք ինքնուրույն ընտրել առաքման կոնկրետ օրը և ժամը

Կարո՞ղ եմ արդյոք հետագայում տեսնել իմ պատվերների պատմությունը և ընթացիկ պատվերների կարգավիճակը

Կարո՞ղ եմ արդյոք ամեն անգամ նշել առաքման նոր հասցե

Կարո՞ղ եմ արդյոք վերադարձնել պատվիրված ապրանքը

Ինչպե՞ս կարող եմ վճարել գնածիս դիմաց

Ի՞նչ առանձնահատկություն ունեն քաշով վաճառվող ապրանքները

Ո՞ր բնակավայրերում է գործում առաքումը, և որք՞ան է արժեքը

Ի՞նչ անել, եթե լրացուցիչ հարցեր ունեմ, որոնց պատասխաններն այստեղ չկան

Ի՞նչ է online սուպերմարկետը

Օնլայն սուպերմարկետը գնումների այլընտրանքային, էլեկտրոնային տարբերակ է, որը թույլ է տալիս սպառողին հեշտությամբ գտնել իրեն անհրաժեշտ ապրանքը, կատարել առցանց վճարում և պատվիրել դրա առաքումն իր նշած հասցեով: SAS.am-ի դեպքում, առցանց վճարմանը զուգահեռ, առկա է նաև կանխիկ կամ քարտով վճարում՝ պատվերը ստանալու պահին: Էլեկտրոնային գնումների մասին առավել մանրամասն կարող եք կարդալ այստեղ:

Ի՞նչ առավելություններ ունի էլեկտրոնային առևտուրը

SAS.am կայքից գնումներ կատարելն ունի մի շարք առավելություններ.

  1. Դուք գնում եք Ձեզ անհրաժեշտ մթերային, տնտեսական և այլ ապրանքները՝ առանց տնից կամ աշխատավայրից դուրս գալու՝ այդպիսով խնայելով Ձեր ժամանակը:
  2. SAS-ից գնումներ կատարելու համար այլևս պարտադիր չէ գտնվել Երևանի Կենտրոն և Արաբկիր համայնքներում: Դուք կարող եք Ձեզ անհրաժեշտ իրերն ընտրել և պատվիրել նաև Երևանի մյուս թաղամասերից, ՀՀ բոլոր մարզերից ու Արցախից: Այսպիսով, բարձրակարգ սուպերմարկետների ցանցն արդեն հասանելի է յուրաքանչյուր սպառողի:
  3. Կայքում Ձեր ձեռքի տակ ունենում եք սուպերմարկետում ցուցադրված ողջ տեսականին՝ իրենց անուններով, նկարներով, գներով և անհրաժեշտ այլ տեղեկություններով: Շնորհիվ որոնման ճկուն համակարգի՝ արագորեն գտնում և գնում եք յուրաքանչյուր ապրանք:
  4. Վճարումն իրականացնում եք նաև առցանց՝ օգտագործելով Ձեր վճարային քարտը: Քարտով վճարումը հնարավոր է նաև պատվերը ստանալիս՝ առաքիչի մոտ առկա շարժական POS տերմինալի միջոցով: Այսպիսով, եթե Ձեր գումարը պահում եք քարտի միջոցով, ապա այլևս ստիպված չեք լինի ամեն անգամ կանխիկացնել այն որևէ ապրանք գնելու համար:

Կարո՞ղ եմ արդյոք շարունակել ապրանքները պատվիրել հեռախոսով

Այո՛, կարող եք: +374 10 538888 հեռախոսահամարով մեր շուրջօրյա առաքման ծառայությունը, որից արդեն իսկ օգտվում են հազարավոր սպառողներ, շարունակելու է գործել: Այդուհանդերձ, մենք խրախուսելու ենք մարդկանց պատվերները կատարել առցանց, քանի որ այդպես ավելի հստակ կարող են ընտրել իրենց ապրանքը՝ շնորհիվ նկարների, անվանումների, հավելյալ տեղեկությունների և ներկայացված ամբողջական, հեշտ փնտրվող տեսականու:

Եթե չեմ ցանկանում կամ չեմ կարող վճարել ինտերնետով, կարո՞ղ եմ արդյոք վճարումն իրականացնել պատվերը ստանալու պահին:

Այո՛, կարող եք: Մենք վճարումները կընդունենք նաև ապրանքը պատվիրատուին հասցնելուց հետո՝ կանխիկ կամ վճարային քարտով՝ առաքիչի մոտ առկա POS տերմինալի միջոցով: Զուգահեռ վճարումները կընդունվեն նաև առցանց, ինչպես նաև բանկային փոխանցումների միջոցով:

Ինչպե՞ս կարող եմ գտնել իմ նախընտրած ապրանքը

Ձեր նախընտրած ապրանքները կարող եք գտնել երկու ճանապարհով՝ 1) որոնման համակարգի միջոցով, 2) փնտրելով կատալոգում:

1) Որոնելու համար գրե՛ք ապրանքի կամ ապրանքանիշի անվանումը էջերի վերնամասում գտնվող որոնման դաշտում և սեղմե՛ք «Գտնել»: Տպելիս ուշադրություն դարձրեք առաջարկվող տարբերակների վրա, որոնք կօգնեն գտնել այս կամ այն բառը, եթե չեք հիշում, թե ինչպես է այն ճիշտ գրվում, կամ չեք ցանկանում ամբողջությամբ գրել տվյալ բառը:

2) Կատալոգում փնտրելու համար, եթե գտնվում եք գլխավոր էջում, հարկավոր է մկնիկը պահել վերևի ձախ հատվածում գտնվող բաժինների վրա, ապա ընտրել համապատասխան ենթաբաժինը և, հայտնվելով տվյալ բաժնի կամ ենթաբաժնի էջում, ընտրել ապրանքների ցանկից:

Ոչ մթերային ապրանքներ ընտրելու համար հարկավոր է սեղմել վերևի հիմնական մենյուի «Ամեն ինչ տան համար» կոճակը:

Ինչպե՞ս կարող եմ հավաքել ապրանքներն իմ զամբյուղում

Եթե արդեն գտել եք Ձեր փնտրած ապրանքը, պարզապես սեղմեք աջ կողմում գտնվող «Ավելացնել» կոճակը՝ նախապես ընտրելով քանակը կամ քաշը: Զամբյուղի պարունակությունը էջի աջ կողմում մշտապես կլինի Ձեր աչքի առաջ: Ընդ որում, այդ հատվածի ներքևում կարող եք տեսնել նաև ընտրված ապրանքների ընդհանուր արժեքը:

Կարո՞ղ եմ արդյոք ստեղծել իմ հավանած ապրանքների ցուցակ` առանց դրանք զամբյուղին ավելացնելու

Այո՛, կարող եք: Եթե կայքի տարբեր էջեր այցելելիս հավանում եք այս կամ այն ապրանքը, սակայն դեռևս չեք պատրաստվում այն գնել, կարող եք հավելել «Նախընտրածներ» ցուցակին, որպեսզի հաջորդ անգամ գնում կատարելիս հեշտությամբ գտնեք այն: Դրա համար հարկավոր է սեղմել տվյալ ապրանքի անվանման ձախ կողմում գտնվող աստղը: Եթե վերջինս դեղին է, ապա ապրանքը Ձեր «Նախընտրածների» ցուցակում է, որը կարող եք դիտել` սեղմելով որոնման դաշտի ներքևում գտնվող համապատասխան կոճակը:

Կարո՞ղ եմ արդյոք ինքնուրույն ընտրել առաքման կոնկրետ օրը և ժամը

Այո՛, կարող եք: Առաքման ենթակա ապրանքն ընտրելուց և Ձեր զամբյուղը լցնելուց հետո Դուք ընտրում եք այն օրը և ժամը, երբ կցանկանայիք ստանալ պատվերը: Ուշադրություն դարձրեք, որ կախված պատվիրված ապրանքների տեսակից և քանակից, ինչպես նաև առաքման հասցեից` Ձեզ ավտոմատ կերպով կառաջարկվի մոտակա հնարավոր առաքման ժամը: 

Կարո՞ղ եմ արդյոք հետագայում տեսնել իմ պատվերների պատմությունը և ընթացիկ պատվերների կարգավիճակը

Այո՛, կարող եք: Կայք մուտք գործելուց հետո Դուք կունենաք Ձեր Անձնական էջը, որտեղ կարող եք տեսնել մինչ այդ պահը կատարած Ձեր բոլոր պատվերները և դրանց կարգավիճակները՝ «Հավաքումն ավարտված է», «Փոխանցված է առաքման», «Ամբողջությամբ առաքված է» և այլն:

Կարո՞ղ եմ արդյոք ամեն անգամ նշել առաքման նոր հասցե

Անձնական էջում Դուք նշում եք բոլոր այն հասցեները, ուր հետագայում իրականացվելու է առաքում: Կոնկրետ պատվերի դեպքում արդեն ընտրում եք այդ ցանկից կամ ավելացնում նոր հասցե: Պատվերի ձևակերպման ժամանակ Ձեր կողմից ավելացված հասցեները և հեռախոսահամարները ավտոմատ կերպով ավելացվում են Ձեր Անձնական էջի տվյալներին:

Կարո՞ղ եմ արդյոք վերադարձնել պատվիրված ապրանքը

Այո՛, կարող եք: Եթե Ձեր գնած ապրանքը չի կրել որակական և քանակային փոփոխություններ, կարող եք վերադարձնել այն 14 օրվա ընթացքում` ներկայացնելով ՀԴՄ կտրոնը կամ հաշիվ-ապրանքագիրը: Այդուհանդերձ, եթե ապրանքը վերադարձնելու Ձեր ցանկությունը պայմանավորված է նրա որակական հատկանիշներով, Դուք կարող եք մեր առաքիչի օգնությամբ փոխարինել տվյալ ապրանքը մեկ ուրիշով: Նույնը վերաբերում է նաև այն դեպքերին, երբ դուք սխալմամբ նույն ապրանքախմբին պատկանող, բայց այլ ապրանքանիշի ապրանք եք պատվիրել և ցանկանում եք փոխարինել այն ձեր նախընտրածով:

Ինչպե՞ս կարող եմ վճարել գնածիս դիմաց

SAS.am-ում պատվերի համար վճարումն իրականացվում է մի քանի եղանակով:

  1. Online վճարում: Մեր կայքում online վճարումներն իրականացվում են Arca և PayPal վճարային համակարգերի միջոցով: Եթե արդեն գրանցված եք այդ համակարգերում, ապա համապատասխան հղումը սեղմելուց հետո կհայտնվեք տվյալ վճարային համակարգի կայքում, որից հետո անհրաժեշտ է մուտքագրել այդ համակարգում Ձեր օգտանունն և գաղտնաբառը և կատարել վճարումը:
  2. Կանխիկ: Սա նշանակում է, որ Դուք Ձեր պատվիրած ապրանքի և դրա առաքման դիմաց վճարում եք պատվերը ստանալիս` կանխիկ գումարով:
  3. Վճարային քարտով` պատվերը ստանալու ժամանակ: Այս տարբերակն ընտրելու դեպքում մեր առաքիչն իր հետ կբերի POS տերմինալ, և Դուք կկարողանաք Ձեր քարտով վճարումն իրականացնել հենց տեղում:
  4. Բանկային փոխանցում: Մեզ հետ պայմանագիր ունենալու դեպքում Ձեր պատվերը կարող եք ստանալ անմիջապես, ինչպես նաև օգտվել կորպորատիվ բաժանորդների համար նախատեսված այլ պայմաններից:
    Եթե չեք ցանկանում պայմանագիր կնքել, ապա առաքումը կիրականացվի միայն գումարը մեր հաշվին հայտնվելուց հետո: Այդ ժամանակ մեր օպերատորն անմիջապես կապ կհաստատի Ձեզ հետ և կհամաձայնեցնի առաքման կոնկրետ ժամը:

Ի՞նչ առանձնահատկություն ունեն քաշով վաճառվող ապրանքները  

Քաշով վաճառվող ապրանքների համար ի սկզբանե սահմանված է այն նվազագույն քաշը, որը կարելի է պատվիրել: Օրինակ, եթե դուք ցանկանում եք գնել տավարի միս, ապա նվազագույնը պետք է պատվիրեք կես կիլոգրամ, եթե շոկոլադե կոնֆետներ, ապա 100 գրամ և այլն: Այդուհանդերձ, եթե պատրաստվում եք տվյալ ապրանքից գնել մեծ քանակությամբ, կարող եք ավելացնել քանակը «Ավելացնել» կոճակի վերևում գտնվող մենյուի օգնությամբ: Օրինակ, շոկոլադե կոնֆետների պատվիրվող քաշը կարող եք սահմանել ինչպես 100 գրամանոց, այնպես էլ 0.5 և 1 կիլոգրամանոց քայլերով:

Խնդրում ենք հաշվի առնել, որ կախված ապրանքի տեսակից (օրինակ` նարինջ, ձմերուկ, միս և այլն), քաշով վաճառքի դեպքում հնարավոր են 5 տոկոսանոց շեղումներ:  

Ո՞ր բնակավայրերում է գործում առաքումը, և որք՞ան է արժեքը

Մեր առաքման աշխարհագրությունը Հայաստանի Հանրապետության և Լեռնային Ղարաբաղի ողջ տարածքն է: Առաքման գներին և այլ մանրամասներին կարող եք ծանոթանալ «Առաքում և վճարում» բաժնում:

Ի՞նչ անել, եթե լրացուցիչ հարցեր ունեմ, որոնց պատասխաններն այստեղ չկան

Եթե վերը թվարկվածների մեջ չեք գտնում Ձեզ հետաքրքրող հարցի պատասխանը, կարող եք այն ուղարկել [email protected] էլ. փոստի միջոցով կամ զանգահարել օգնության կենտրոն` +37410 538888 հեռախոսահամարով: Զանգել մեր օպերատորին կարող եք նաև էջերի ամենավերևում գտնվող «Online խորհրդատվություն» մենյուից ընտրելով Skype-զանգ հրամանը:

Ձեր զամբյուղը

Ձեր զամբյուղը դատարկ է