Զանգերի կենտրոն
Պատվեր զանգով
+(37410) 53 88 88
+(37411) 53 88 88
Զանգերի կենտրոն
  •  դր
  • Գտնել
Նախընտրածներ 0

Օգտագործողի ուղեցույց

1. Գրանցում և մուտք

Մեր օնլայն խանութից գնումներ կատարելու համար պարտադիր է գրանցվել, ապա` մուտք գործել (log in) կայք:

Գրանցվելու համար բացե՛ք բոլոր էջերի վերին աջ մասում գտնվող «Մուտք և գրանցում» մենյուն, ապա սեղմե՛ք «Գրանցում»:

Screenshot_1.png

Լրացրե՛ք մուտքագրման տվյալները: Գաղտնաբառը պետք է պարունակի նվազագույնը 6 նիշ:

Screenshot_2.png

Մուտք գործելուց հետո կարող եք ցանկացած ժամանակ այցելել Ձեր Անձնական էջ և ավելացնել կամ փոփոխել Ձեր անձնական ու կոնտակտային տվյալները.

  • Անունը և ազգանունը
  • Առաքման հասցեն կամ հասցեները
  • Հեռախոսահամարները
  • Էլ. փոստը և գաղտնաբառը
Ի դեպ, մուտք գործելը պարտադիր չէ այնքան ժամանակ, քանի դեռ չեք պատրաստվում որևէ բան գնել: Սակայն ապրանքները զամբյուղում հավաքելուց և «Պատվիրել» հրամանը սեղմելուց հետո դա արդեն պարտադիր պայման է:

2. Ապրանքների որոնում

Ձեր նախընտրած ապրանքները կարող եք գտնել երկու ճանապարհով՝ 1) որոնման համակարգի միջոցով, 2) փնտրելով կատալոգում:

1) Որոնելու համար գրե՛ք ապրանքի կամ ապրանքանիշի անվանումը էջերի վերնամասում գտնվող որոնման դաշտում և սեղմե՛ք «Գտնել»: Մինչ այդ, փնտրվող ապրանքների թիվը նվազեցնելու համար, որոնման դաշտի և «Գտնել» կոճակի միջև գտնվող «Բոլոր բաժինները» մենյուից ընտրեք Ձեզ հետաքրքրող բաժինը` «Սննդամթերք» կամ «Ամեն ինչ տան համար»: Տպելիս ուշադրություն դարձրեք առաջարկվող, ներքևում բացվող տարբերակների վրա, որոնք կօգնեն գտնել այս կամ այն բառը, եթե չեք հիշում, թե ինչպես է այն ճիշտ գրվում, կամ չեք ցանկանում ամբողջությամբ գրել տվյալ բառը:

Screenshot_1.png

2) Կատալոգում փնտրելու համար, եթե գտնվում եք գլխավոր էջում, հարկավոր է մկնիկը պահել վերին ձախ հատվածում գտնվող բաժինների վրա, ապա ընտրել համապատասխան ենթաբաժինը և, հայտնվելով տվյալ բաժնի կամ ենթաբաժնի էջում, ընտրել ներքևում հայտնված ցանկից:

Screenshot_1.png

Մեկ էջի վրա երևացող ապրանքների քանակը կարող եք սահմանել ինքներդ (20, 40, 60, 80 կամ 100), ինչպես նաև փոխել ցանկի տեսքը (մեկ սյունակ, չորս սյունակ): Ապրանքի աջ կողմում գտնվող “i” տառը սեղմելով` կարող եք տեսնել դրան վերաբերող ամբողջական տեղեկությունը:

Screenshot_1.png

Հաջորդ էջ գնալու համար սեղմե՛ք «Հաջորդը» կամ տվյալ էջի համարը: Ապրանքներն ըստ Ձեր նախընտրած ապրանքանիշի, քաշի, ծավալի, գնի կամ այլ չափանիշների զտելու համար օգտագործե՛ք բաժնի անվանման վերևում գտնվող համապատասխան մենյուները` բացելով ցանկը և ընտրելով անհրաժեշտ փոփոխականը:

Ընտրությունը շարունակել կարող եք նաև ներքին էջերի ստորին մասում գտնվող հարմարավետ մենյուից: Վերջինս հնարավորություն է տալիս ընտրել ա) նմանօրինակ, բ) լավագույն վաճառք, գ) ուղեկցող ապրանքներ և դ) դիտածները

Ոչ մթերային ապրանքներ ընտրելու համար հարկավոր է սեղմել վերևի hիմնական մենյուի «SAS Home» կոճակը և նույնությամբ կրկնել 2-րդ կետում նկարագրված քայլերը:

 3. Զամբյուղի հավաքում

Եթե արդեն գտել եք Ձեր նախընտրած ապրանքը, այն պատվիրելու համար պետք է նախ հավելեք Ձեր զամբյուղին: Դրա համար սեղմում եք աջ կողմում գտնվող «Ավելացնել» կոճակը` նախապես նշելով քանակը կամ քաշը: Դրանից հետո կարող եք շարունակել Ձեր գնումները և զամբյուղում ավելացնել նորանոր ապրանքներ:

Screenshot_2.png

Եթե որևէ ապրանք գրավել է Ձեր ուշադրությունը, սակայն դեռ չեք ցանկանում ավելացնել այն զամբյուղին, կարող եք պարզապես նշել որպես «Նախընտրած» (Favorites), ապա դիտել «Նախընտրածներ»-ի ցուցակը և նոր միայն դրանցից որոշները կամ բոլորը ավելացնել զամբյուղին: Նշելու համար սեղմե՛ք տվյալ ապրանքի անվանման կողքը գտնվող աստղի վրա և համոզվեք, որ այն դեղնել է: Ի դեպ, համակարգը կհիշի Ձեր ընտրությունը, և ստիպված չեք լինի յուրաքանչյուր անգամ մուտք գործելուց ստեղծել «Նախընտրածներ»-ի նոր ցուցակ:

Screenshot_1.png

Կայքում գտնվելիս` աջ կողմում մշտապես կերևա զամբյուղի պարունակությունը և դրանում ներառված ապրանքների ընդհանուր արժեքը: Ընդ որում, անգամ զամբյուղում դնելուց հետո Դուք հեշտությամբ կարող եք փոփոխել տվյալ ապրանքի պատվիրվող թվաքանակը կամ քաշը «+» և «-» նշանների օգնությամբ, ինչպես նաև ջնջել այդ ապրանքը: Ձեզ անհրաժեշտ ապրանքների ընտրությունն ավարտելուց հետո սեղմում եք զամբյուղի պատուհանի ներքևում գտնվող «Պատվիրել» կոճակը:

Screenshot_3.png

 4. Պատվիրում

«Պատվիրել» կոճակը սեղմելուց հետո կբացվի մուտքի էջը, որտեղից պետք է մուտք գործեք (log in) կայք` գրելով Ձեր էլ. փոստի հասցեն ու գաղտնաբառը: Եթե դեռ գրանցված չեք, կարող եք դա անել հենց նույն էջում` ընդամենը լրացնելով Ձեր էլ. փոստն ու որևէ գաղտնաբառ: Մուտք գործել և գրանցվել կարող եք նաև մինչ այդ` բոլոր էջերի վերևում գտնվող «Մուտք և գրանցում» մենյուից:

Screenshot_1.png

Մուտք գործելուց հետո կհայտնվեք առաքման էջում: Այստեղ պետք է նշեք այն հասցեն, ուր կատարվելու է առաքումը, անհրաժեշտ հեռախոսահամարները, ինչպես նաև այն օրը և ժամը, երբ ցանկանում եք ստանալ պատվերը:

Screenshot_2.png

Շարունակելով պատվերը` նշում եք վճարման եղանակը: 

5. Վճարում

SAS.am-ում պատվերի համար վճարումն իրականացվում է մի քանի եղանակով: Վճարման էջում այդ եղանակները կտեսնեք հետևյալ հաջորդականությամբ .

  1. Online վճարում: Մեր կայքում online վճարումներն իրականացվում են Arca և PayPal վճարային համակարգերի միջոցով: Եթե արդեն գրանցված եք այդ համակարգերում, ապա համապատասխան տարբերակը նշելու դեպքում պատվերի հաստատումից հետո կուղղորդվեք տվյալ վճարային համակարգի կայք, որտեղ անհրաժեշտ է մուտքագրել այդ համակարգում Ձեր օգտանունն ու գաղտնաբառը և կատարել վճարումը:
  2. Կանխիկ: Սա նշանակում է, որ Դուք Ձեր պատվիրած ապրանքի և դրա առաքման դիմաց վճարում եք պատվերը ստանալիս` կանխիկ գումարով: Կայքի համապատասխան էջում այս տարբերակն ընտրելուց հետո Դուք նաև նշում եք` արդյոք անհրաժեշտ է բերել մանր:
  3. Վճարային քարտով` պատվերը ստանալու ժամանակ: Այս տարբերակն ընտրելու դեպքում մեր առաքիչն իր հետ կբերի POS տերմինալ, և դուք կկարողանաք Ձեր քարտով վճարումն իրականացնել հենց տեղում:
  4. Բանկային փոխանցում: Այս տարբերակը ընտրելուց հետո տեսնում եք մեր հաշվի համարը, որին հարկավոր է փոխանցել պահանջվող գումարը:
Screenshot_3.png

Վերջին քայլում դիտում եք Ձեր պատվերի բոլոր տվյալները ու հաստատում, ինչից հետո մնում է ստանալ պատվիրված ապրանքը:  Էլեկտրոնային վճարման եղանակներն (Arca, PayPal) ընտրելու դեպքում հաստատում եք պատվերը, ապա` կատարում վճարումը տվյալ համակարգի կայք մուտք գործելուց հետո:

Screenshot_4.png

6. Անձնական էջ

Մուտք գործած յուրաքանչյուր օգտագործող ունի իր անձնական էջը: Այստեղ դուք կարող եք գրել և փոփոխել ձեր անձնական տվյալները (անուն-ազգանունը, էլ. փոստը, գաղտնաբառը), առաքման հասցեն(ները), հեռախոսահամար(ներ)ը, դիտել առաքման պատմությունը:

Screenshot_1.png

Ձեր զամբյուղը

Ձեր զամբյուղը դատարկ է