Գիրք՝ Newmag-ի հրատարակության: Կազմը՝ կոշտ, 528 էջ:
Այս ինքնակենսագրականում աշխարհի ամենահայտնի սոցցանցային աստղը պատմում է, թե սովորական ամերիկահայ տղան ինչպես է համաշխարհային փառք ձեռք բերել։ Դենի կյանքն արտառոց է՝ սկսած ԱՄՆ բանակում ծառայությունից, պոկերում հաջողություններից մինչև զենքի հանդեպ սերն ու սեռական անհագուրդ կիրքը։ Դեն Բիլզերյանն անկեղծ ներկայացնում է իրեն շրջապատող մարդկանց ու երևույթները, բացահայտում պարզ ճշմարտություններ, որոնց մասին սովորաբար լռում են։ «Դրվածքը» պատմություն է խելահեղության հասնող զվարճամոլության, իրականություն դարձած անուրջների, վերելքներ խոստացող անկումների մասին։ Այն ներկայացնում է շքեղախենթ աշխարհը, որում ապրում է Դեն Բիլզերյանը։
Դեն Բիլզերյանը (ծնվ. 1980թ.) ԱՄՆ Ֆլորիդա նահանգի Տամպա քաղաքից է։ Հայտնի է դարձել պոկերի միջազգային մրցախաղերով ու արտասովոր շվայտ կենսակերպով։ Նա մշտապես շրջապատված է մոդելներով։ Ինստագրամում ունի 33 միլիոն հետևորդ։ Դենի հայրն ամերիկահայ Փոլ Բիլզերյանն է, որն Ուոլ Սթրիթում հայտնի թրեյդեր է եղել։ Դենը նկարահանվել է հոլիվուդյան ֆիլմերում՝ «Օլիմպոսի անկումը», «Էկվալայզերը», «Այլ կինը»։ Նա սոցցանցային ամենաազդեցիկ դեմքերից մեկն է աշխարհում։ «Դրվածքը» նրա առաջին գիրքն է։