«ՍԱՍ ՍՈՒՊԵՐՄԱՐԿԵՏ ԵՎ ՍԱՍ ՖՈՒԴ ԿՈՐՏ» ԱԿՑԻԱ

«ՍԱՍ ՍՈՒՊԵՐՄԱՐԿԵՏ ԵՎ ՍԱՍ ՖՈՒԴ ԿՈՐՏ» ԱԿՑԻԱՅԻ ՊԱՅՄԱՆՆԵՐ

1. Ակցիայի ժամանակահատվածը

Նվեր կտրոնները տրամադրվում են 2026 թվականի նոյեմբերի 9-ից մինչև դեկտեմբերի 9-ը ներառյալ։

2. Նվեր կտրոնի տրամադրումը

ՍԱՍ Ֆուդ Կորտի՝ ք. Երևան, Արշակունյաց 11/7 հասցեի մասնաճյուղում մեկ ՀԴՄ կտրոնով 3,000 դրամի և ավելի՝ ակցիային մասնակցող ապրանքներ գնելու դեպքում տրամադրվում է մեկ՝ 1,000 դրամի նվեր կտրոն։

3,000 դրամը գերազանցող գնման դեպքում նույնպես տրամադրվում է մեկ նվեր կտրոն՝ անկախ գնման գումարի չափից։ Մի քանի ՀԴՄ կտրոնների գումարները չեն գումարվում նվեր կտրոն ստանալու համար։

3. Նվեր կտրոնի օգտագործումը

Նվեր կտրոնով կարելի է վճարել ՍԱՍ սուպերմարկետի՝ ք. Երևան, Արշակունյաց 11/1 հասցեի մասնաճյուղում՝ մեկ ՀԴՄ կտրոնով առնվազն 5,000 դրամի՝ ակցիային մասնակցող ապրանքներ գնելիս։

Նվեր կտրոնի 1,000 դրամը ներառվում է գնման համար պահանջվող 5,000 դրամի մեջ։ Այսինքն՝ օրինակ 5,000 դրամի ապրանք գնելիս հաճախորդը ներկայացնում է նվեր կտրոնը և վճարում մնացած 4,000 դրամը։

Մեկ գնման համար ընդունվում է միայն մեկ նվեր կտրոն։ Կտրոնի ամբողջ 1,000 դրամն օգտագործվում է այդ գնման համար և չի կարող բաժանվել տարբեր գնումների միջև։

Նվեր կտրոնը կանխիկ գումարով չի փոխանակվում։

Կտրոնի QR կոդը ներկայացվում է գանձապահին մինչև վճարումն ավարտելը։ Օգտագործված կտրոնը կրկին չի ընդունվում։

4. Գնումների գումարների հաշվարկը

Նվեր կտրոն ստանալու համար պահանջվող 3,000 դրամը և այն օգտագործելու համար պահանջվող 5,000 դրամը հաշվարկվում են ակցիային մասնակցող ապրանքների վաճառքի գներով։

Եթե ապրանքների համար գործում է զեղչ, հաշվարկում հաշվի է առնվում զեղչված գինը։

Ակցիային չմասնակցող ապրանքների արժեքը նշված գումարներում չի ներառվում։

5. Նվեր կտրոնի օգտագործման ժամկետը

Նվեր կտրոնը կարելի է օգտագործել այն ստանալու պահից մինչև ստանալու օրվան հաջորդող յոթերորդ օրացուցային օրվա ավարտը՝ մասնաճյուղի աշխատանքային ժամերին։

Կտրոնի տրամադրման ամսաթիվը նշվում է նվեր կտրոնի վրա։ Յոթնօրյա ժամկետի հաշվարկը սկսվում է նվեր կտրոնի վրա նշված ամսաթվից։

Ակցիայի ավարտից հետո` արդեն տրամադրված կտրոնները շարունակում են գործել մինչև տրամադրմանը հաջորդող 7-րդ օրը ներառյալ:

6. Ակցիային չմասնակցող ապրանքները

Ակցիային չեն մասնակցում՝

• Ծխախոտային արտադրատեսակները, դրանց պատկանելիքները, նմանակները և ոչ բժշկական նպատակով օգտագործվող փոխարինիչները,
• Մինչև երեք տարեկան երեխաների համար նախատեսված մանկական սնունդը՝ ներառյալ մանկական և վաղ տարիքի երեխաների կաթնախառնուրդներն ու հավելյալ սնունդը,
• Մանկական սնունդը սպառողին հասցնելու կամ երեխային կերակրելու համար նախատեսված միջոցներն ու պարագաները

Այս ապրանքների արժեքը չի հաշվարկվում նվեր կտրոնն օգտագործելու համար պահանջվող 5,000 դրամի մեջ։ Նվեր կտրոնով այս ապրանքների համար վճարել հնարավոր չէ։

Եթե նույն գնումում կան նաև ակցիային չմասնակցող ապրանքներ, նվեր կտրոնն օգտագործվում է միայն ակցիային մասնակցող ապրանքների համար։

7. Club Card-ի միավորների հաշվարկը

Club Card-ի միավորները հաշվարկվում են Ընկերության ծրագրի կանոններով։ Նվեր կտրոնով վճարված 1,000 դրամի համար միավորներ չեն հաշվարկվում։

Օրինակ՝ եթե գնման գումարը 7,500 դրամ է, և գնված բոլոր ապրանքների համար Club Card-ի միավորներ են հաշվարկվում, նվեր կտրոնն օգտագործելու դեպքում Club Card-ի միավորները հաշվարկվում են 6,500 դրամի համար։

8. Նվեր կտրոնով գնված ապրանքների վերադարձը

Ապրանքների վերադարձը և փոխանակումն իրականացվում են ՀՀ օրենսդրությամբ սահմանված դեպքերում և կարգով։

Եթե ապրանքների մի մասը վերադարձնելուց հետո չվերադարձված՝ ակցիային մասնակցող ապրանքների ընդհանուր արժեքը 5,000 դրամ կամ ավելի է, վերադարձվող ապրանքների գումարից նվեր կտրոնի 1,000 դրամը չի հանվում։

Եթե վերադարձից հետո այդ ապրանքների ընդհանուր արժեքը 5,000 դրամից պակաս է, հաճախորդին վերադարձվող գումարից հանվում է տվյալ գնման համար օգտագործված նվեր կտրոնի 1,000 դրամը։

Օրինակ՝ հաճախորդը գնել է 6,000 դրամի՝ ակցիային մասնակցող ապրանք՝ ներկայացնելով 1,000 դրամի նվեր կտրոն և վճարելով 5,000 դրամ։ Եթե նա վերադարձնում է 3,000 դրամի ապրանք, իրեն վերադարձվում է 2,000 դրամ՝ 3,000 դրամից հանած նվեր կտրոնի 1,000 դրամը։

Նույն գնման վերադարձների ընթացքում նվեր կտրոնի համար հանվող գումարը ընդհանուր առմամբ չի կարող գերազանցել 1,000 դրամը։  

Ապրանքի վերադարձը ձևակերպելիս նոր նվեր կտրոն օգտագործել հնարավոր չէ։

9. Ֆուդ Կորտի գնման վերադարձը

Եթե ՍԱՍ Ֆուդ Կորտում կատարված գնումն ամբողջությամբ կամ մասնակի վերադարձվում կամ չեղարկվում է, և չվերադարձված ապրանքների արժեքը դառնում է 3,000 դրամից պակաս, այդ գնման դիմաց տրամադրված և դեռ չօգտագործված նվեր կտրոնը չեղարկվում է։

Չեղարկված նվեր կտրոնի QR կոդով վճարել հնարավոր չէ։

10. Պայմաններին ծանոթանալու հնարավորությունը

Ակցիայի պայմանները ներկայացնող QR կոդը պարտադիր տեղադրվում է ակցիային մասնակցող մասնաճյուղերի դրամարկղերի մոտ՝ տեսանելի տեղում, որպեսզի հաճախորդը պայմաններին ծանոթանա մինչև գնում կատարելը։

Պայմաններին կարելի է ծանոթանալ նաև մասնաճյուղում՝ դիմելով աշխատակցին՝ առանց QR կոդը սկանավորելու։

11. Ակցիային մասնակցող ընկերությունները

Նվեր կտրոն տրամադրող՝ «ԻԼԵՆԻԱ» ՍՊԸ, ՀՎՀՀ՝ 03547155։
Նվեր կտրոն ընդունող՝ «ՍԱՍ-ԳՐՈՒՊ» ՍՊԸ, ՀՎՀՀ՝ 02538542։