Գիրք՝ Newmag-ի հրատարակության: Կազմը՝ կոշտ: 364 էջ:
Բեռլինը՝ Արևելքի ու Արևմուտքի բաժանած պատը կես դար գրեթե մոտ է փլուզմանը։ Թվում է՝ այդ դարակազմիկ իրադարձությունը պետք է միավորի բաժանարար պարսպի հակադիր կողմերում հայտնված ընտանիքներին, բայց պատերն արդեն մարդկանց ներսում են։ Գերդաստանի 4 սերունդները հայտնվել են այդ պատմական բաժանումների ու միավորումների արանքում։ Պապն ու տատը անդրդվելի կոմունիստներ են, որոնք նախ արտագաղթել են Մեքսիկա, բայց վերադարձել՝ նոր Գերմանիայի կառուցմանը մասնակցելու։ Որդին վերադարձել է ռուս կնոջ և աքսորավայրի հիշողությունների հետ։ Բեռլինի պատի փլուզումից անմիջապես առաջ թոռն Արևելյան Գերմանիայից փախչում է Արևմտյան Գերմանիա։ ԳԴՀ-ում անցկացրած կյանքը ծոռի համար պարզապես մանկան հուշ է։ Ինչպե՞ս ապրել փլուզումների ու միավորումների, ճնշող կարգախոսների, հակամարտ գաղափարախոսությունների, սերունդների հակասությունների պայմաններում։ Ինչպե՞ս մեռնել արժանապատվորեն։
Օյգեն Ռուգեն (ծնվել է 1954թ․, ԽՍՀՄ) գերմանացի գրող է, թարգմանիչ։ Գրական գործունեությունը սկսել է 1980-ականների կեսին․ աշխատել է թատրոնում, ռադիոյում, կինոյում։ Գերմաներեն է թարգմանել Չեխովի բազմաթիվ պիեսներ։ Օյգեն Ռուգեն ապրում և ստեղծագործում է Բեռլինում։ Ունի 4 երեխա։ «Մարող լույսի ժամանակներում» դեբյուտային վեպը գրել է 2011-ին։ Վեպն արժանացել է բազմաթիվ մրցանակների։ 2013-ին այն բեմադրել է Բեռլինի թատրոնը։ Գրքի հիման վրա 2017-ին նկարահանվել է համանուն ֆիլմը։